Lou quatre de desèmbre es la fèsto de Santo Barbo.
Faut metre à greia dins tres sietoun plen d’aigo (tres es lou simbeu de la Santo Ternita), lou famous blad de Santo Barbo. Se lou bruei de blad verdeloujo bèn, aco’s uno bono marco.
Lou pouvèrbi lou dis : Quand lou blad vèn bèn, tout vèn bèn .
Ansin vosto annado sara ouruso e fruchouso.
Lou blad nouvèu es premiço di meissoun.
Aquesto tradicioun vèn de l’antiqueta, mai se fasiè au plus fort de l’estiéu quand lou souleias rabino tout.
Quand li fèsto de Nouvè An passa, vous fau ana enterra voste blad passi au fin founs de vosti terro. Aco aparara l’oustau contro lis epidèmi e contro lou tron.
D’efèt, Santo Barbo es la patrouno di Poumpié, di petardié, canounié, poudrié...perquè aparo contro lou foudre.
Quand entendès lou tron fau dire : " Santo Barbo, Santo flour, la crous de Noste Segnour, quand lou tron passara, Santo Barbo me gardara ."
une autre prouverbi : " Santo Barbo la barbudo, tres semano avant Nadau !
